Tiedes de galazitting op zunjig 2 mieërtj hieët Prins Tim, same mèt de ganse raod besjloeëte det de titel van Foekeoptter van ’t Jaor vuuer 2025 geit nao nemes minder as:
Rosalie Brouwer
Rosalie is beeldjendj kunstenares en haet huuer eige atelier RDJ Arts, aan hoes hie in Grathem. Rosalie woeëntj nog neet zoeë lank in oos dörpke. Zie is aaf-kómstig oet Rotterdam en opgegruudj in Ridderkèrk.
Op zaoterdig 1 mieërtj steit de kinjeroptocht op oos programma. Op maondig 3 mieërtj de groeëte optocht.
Dich duis toch ouch mèt?
Laes hie alles om dich aan te melden vuuer de kinjeroptocht.
En hie kinse dich aanmelde vuuer de groeëte optocht.
LET OP: vuuer voertuigen en praalwagens zeen der vanaaf dit jaor anger regels omtrent APK en verzekeringe. Mieër info vinjse door de link hie vuuer te volgen.
Tim de Ieërste – Prins vanne Foekepotters Grathem in 2025
Mèt gezóndje spanning laefdje de Foekepotters en Foekepoterinnekes de aafgeloupe waeke toe nao ’t moment det de noewe prins vuuer ’t seizoen 2025/2026 bekindj zooj waere. Zón bietje róndj de fieëstdaag begós ’t sjpeculere. Waem zooj dit jaor de ker gaon trèkke?
Wae sjrieve 18 jannewari 2025. Inne zaal bie Geraats luptj de spanning al aardig op, want ’t zal neet mieër lank dore of ’t noewe jeugdprinsepaar zal oppe bühne versjiene. Ieërst waerdje nog dankjewel gezagtj taege prinses Amélie en prins Devin die in 2024 bie de jeugd van de Foekepotters de scepter höbbe gezweidj. Toen waerdje ’t tied vuuer ’t oetroepe.
