Foekepottersviering ónger ’t motto
Mèt ein, vuuer ein
’t meuktj neet oet waat se vanein bös, mer waat se vuuer ein uuever höbs
Wie eder jaor waerdj doeër De Foekepotters vuueraafgaondj aan ’t Prinsebal ein deenst gehaoje in oos eige Severinuskirk. Dit jaor zal det vuuer 't ieërst ein viering zeen. Dees viering is gans in ’t Grathems plat en waerdj opgeluisterdj doeër zangkoeër Bie-ein Geraaptj en Boorekapel Door Diek & Dun. ’t Waerdj zeker sjiek!
Deze deenst sjteit ouch in ’t teike van ein good doel, namelik:
De Voedselbank Midden-Limburg
Oetgiftepuntj Baoksum.
Wae rope uch op óm nao de viering get van (haodbaar) aete en/of drinke mèt te bringe. De Foekepotters zamele det in en zörge d’r vuuer de alles in Baoksum waerdj bezörgdj. Natuurlik doon wae ouch zelf ein duit in ’t zekske tiedes de vastelaovendj.
Op dees meneer kinne wae same die luuj helpe die in dees tieje waal ein sjteuntje kinne gebroeke. Dootj gae mèt? Eder biedrage is welkóm. De viering begintj om 19.00 oor.
Wae zeen uch dao gaer.
