Op vastelaovesdinsdig sjtarte wae bie De Nassaurie met "Bacchus Dinsdig"! Vuuerig jaor reep V.G. Ongehoebeltj (die dit jaor 1x11 jaor besjtaon), de ieërste Bacchus oet, Tessa de 1e. Tiedes 't mertjfieëst op vastelaovesmaondig waerdj de noewe Bacchus oetgerope. De noewe Bacchus zal same met zien Bacchusklup aanwezig zeen bie de Nassaurie! Laotj uch verrasse en kóm nao de Nassaurie om deze sjieke daag same mét te make.
𝐎𝐞𝐭𝐫𝐨𝐩𝐞 𝐧𝐨𝐞𝐰𝐞 𝐁𝐚𝐜𝐜𝐡𝐮𝐬! Op vastelaovesmaondig, nao de optocht, tiejes 't Mertjfieëst rope wae de noewe Bacchus oet! Ouch kintj gae den zeen welke jonges en maedjes in de noewe Bacchusklup zitte. 'T oetrope is vanaaf 16.00 oor en aansjloetendj höbbe wae ein muzikale gast.
𝐁𝐚𝐜𝐜𝐡𝐮𝐬𝐝𝐢𝐧𝐬𝐝𝐢𝐠 - 𝐊𝐧𝐮𝐭𝐬𝐞𝐥𝐡𝐨𝐨𝐤 Op vastelaovesdinsdig sjtarte wae óm 14.00 oor bie MPN De Nassaurie mèt Bacchus dinsdig. Hie is vuuer de kinjer ein knutselhook ingericht. Hie kinne de kinjer kleurplate inkleure, ein vastelaovesmasker knutselen of ein Bacchuskrans knutselen.
𝐁𝐚𝐜𝐜𝐡𝐮𝐬𝐝𝐢𝐧𝐬𝐝𝐢𝐠 - 𝐎𝐩𝐭𝐫𝐚𝐞𝐣𝐞 𝐇𝐨𝐨𝐧𝐝𝐞𝐫𝐯𝐞𝐥 Vanaaf 15.00 oor is d'r ein geweldig optraeje van Hoondervel! Georganiseerdj en aageboje doeër MPN De Nassaurie! Gae kintj dees manne van häör LVK-deilnames en vastelaoveshit "Groete oet de fieësttent"!
𝐁𝐚𝐜𝐜𝐡𝐮𝐬𝐝𝐢𝐧𝐬𝐝𝐢𝐠 - 𝐅𝐨𝐞𝐤𝐞𝐩𝐨𝐭 𝐨𝐞𝐭𝐳𝐣𝐰𝐞𝐣𝐣𝐞 Óm 16.15 trèkke wae in ein sjtoet nao 't Foekepottersmenke woeë wae óm 16.30 de Foekepot zulle oetzjwejje. Vuuer de kinjer is d'r den ein loeëterie mèt ein sjiek prieske. Ouch danse wae den same mèt de Bacchus en oze Prins Bert I de Waever en zinge wae 't leedje "Ode ane Foekepot" ter aafsjloeting vanne vastelaovendj.
𝐁𝐚𝐜𝐜𝐡𝐮𝐬𝐝𝐢𝐧𝐬𝐝𝐢𝐠 - 𝐁𝐚𝐜𝐜𝐡𝐮𝐬𝐩𝐚𝐫𝐭𝐲 Aansjloetendj trèkke wae nao bènne bie Café-Zaal Geraats vuuer 'ne sjieke Bacchusparty mèt ein DJ oet de Bacchusklup. Robert zörgtj den vuuer ein gratis Bacchussnack.
𝐁𝐚𝐜𝐜𝐡𝐮𝐬𝐝𝐢𝐧𝐬𝐝𝐢𝐠 - 𝐁𝐚𝐜𝐜𝐡𝐮𝐬 𝐯𝐞𝐫𝐳𝐨𝐞𝐩𝐞 𝐛𝐢𝐞 𝐃𝐞 𝐆𝐚𝐟𝐟𝐞𝐥 'S aoves es ederein get hieët gegaete, gaon óm 20.00 oor de duuere ope van de Gaffel vuuer de aafsjloetparty.De Foekepotters haole same mèt Borekapel Doeër Diek en Dun omstreeks 21.00 oor de Bacchus en zien/häör klup op, om same nao de Gaffel te trèkke. Róndj 21.30 kómme wae den aan bie de Gaffel en verzoepe wae de Bacchus op ein ludieke menneer. Zurg det se oppe tied bie de Gaffel bös es se dit neet wils misse!
𝐁𝐚𝐜𝐜𝐡𝐮𝐬𝐝𝐢𝐧𝐬𝐝𝐢𝐠 - 𝐀𝐚𝐟𝐬𝐣𝐥𝐨𝐞𝐭𝐩𝐚𝐫𝐭𝐲 𝐛𝐢𝐞 𝐃𝐞 𝐆𝐚𝐟𝐟𝐞𝐥 Nao 't verzoepe gaon wae De Gaffel in vuuer de aafsjloetparty! Ouch hie hieët de sjötterie LIVE MEZIEK geoganiseerdj, dus kóm kieke!
