Ich, Prins Tim de Ieërste
Geboeëre en getoge in oos Foekepotterslandj oppe Kasteelshof. Zoon van eine echte Steuker, Prins Roger de Ieërste oet 2009 en van oad dansmarietje Chantal. Aodste en verstenjigste van veer men en groeët leefhöbber van appele en paere.
Noe, bie de gratie van Vorst Bob en de Raod van Èllef, 76e prins van De Foekepotters in ‘t jaor 2025;
Proklameer hiebie ‘t volgendje:
Ten 1e
Zestieën jaor trök leep ich inne optocht as ougeppelke vanne prins
Mer oeëts zelf mèt secpter en vaere te sjtaon, waas miene groeëte wins.
Ten 2e
Kepel, gea moogtj dit jaor weer gans nao de Loorderstroat gaon
Daoróm höb ich veur uch ein extra pilske klaor staon.
Ten 3e
Thoes gaon de appele en paere aeve aan de kantj
Want dees daag höb ich hieël get anges aan de handj.
Ten 4e
Det ich same met Jeugdprins Thijs en Jeugdprinses Reva,
en alle Foekepotters en Foekepotterinnekes flink gaon knalle,
Want vastelaovendj vere, det duis se mèt zien alle.
Ten 5e
Det d’r minse zeen die vanwege zeekdje neet mèt kinne doon
en wae dao den mèt ein bleumke aan zulle gaon.
Ten 6e
Det ich gruuets bèn op ederein dae zörgtj det Grathem blieftj laeve,
en ich dees minse oppe Galazitting zeker ein medalie zal gaeve.
Ten 7e
Det d’r op maondig weer eine geweldjige optocht doeër ’t dörp zal trekke,
mèt väöl plezeer vuuer jónk en aod,
en det d’r hieël väöl minse gaon sjtumme naeve de sjtraot.
Ten 8e
Det wae nao de optocht oppe Mertj weer eine noewe Bachus kinne oetrope en fieëste,
zoeëdet wae oppe dinsdig nog de ganse aovendj bie de Gaffel kinne tampieëste
Ten 9e
Det mien vrunj van Wurse kwaod óm dit jaor de optocht zeker neet moge uueverslaon
Want mèt eine prins in de groep kintj gae ’t echt neet make om naeve de kantj te goan staon.
Ten 10e
Vanoet Geraats noa hoes liektj soms waal eine hike
Doarom laot ich mich gaer óngersjteune doeër mien twieë adjudante,
Mitchel en Mike.
Ten 11e
Det ich dees daag vuuerop zal gaon ónger ’t motto:
Appel of paer, ’t is mich óm ’t aeve
wae gaon drie daag gaas gaeve!
