Op zunjig 20 fibbewari 2022 zeen Daan Jorissen en Iris Rutjens oetgerope toet Jeugdprins Daan I en Jeugdprinses Iris I.
Daan I waertj ongersteundj doeër adjudant Yaros Linssen en Iris I waertj ongersteundj doeër adjudant Noa Timmermans.
Jeugdprins Daan I en Jeugdprinses Iris I gaon regere ónger het de proclomatie en motto:
Wae, Jeugdprins Daan d’n 1e en Jeugdprinses Iris de 1e vanne Foekepotters oet Grathem, in ’t jaor 2022, verklaore biej deze:
Ten ieërste:
’t is dit jaor ein bieëtje dubbel
Wae gaon 3 daag in eine vastelaovendjs bubbel
Ten twieëdje:
Det wae dees daag de dansles aover slaon
Mèr ós biej Geraats good laote gaon
Ten derdje:
Wae dörve d’r óm te wédden
Det we dees daag geine drenkeling gaon redden
Ten veerdje:
Wae make dees daag van corona gein scène
We gaon d’r nao waal in quarantaine
Ten viefdje:
Aöver cito en hoeswerk hove Trudie, Kristel en Lisonne neet te kwake
want det gaon wae dees daag toch neet aanrake
Ten zèsdje:
De stamgroepe staon aeve in de wacht
Wae viere carnaval mèt HIEËL groep acht
Ten zevendje:
mèt de optocht woore we al neet te verslaon
daorom kinne we noeë good vaorop gaon
Ten achste:
Aeve neet met JN in ‘t bos
Mér in de zaal väörop in het gehos
Ten negendje:
Mèt Yaros en Noa as adjudanten zeen we hieël bliej
Want ze staon de hieële tied aan ozze ziej
Ten tieëndje:
Pap en mam hoove dees daag neet te zeure
want aan de regels haoje geit toch neet gebeure
Ten èlfdje:
Det we pas op as-woonsdig skieën gaon
Want we wölle de vastelaovendj neet euverslaon
Auch zonger groeëte prins d’r biej
Staon wae as jeugdprinsenpaar ziej aan ziej
Foto: Jo Levels
