Foekepotters en Foekepotterinnekes,
Hie noe vuuer uch, ós nuuj jeugdprinsepaar vuuer 2023!
Jeugdprins Bram I en Jeugdprinses Pleun I.
Same mèt häör adjudante Tijn en Floor regere zie ónger häör sjpreuk:
“Effe neet träöte of hiphoppe, wae zeen mèt dees daag neet te stoppe!”
Laes hie de ganse proclamatie:
Wae, Bram 1e en Pleun 1e , Jeugdprins en Jeugdprinses vanne Foekepotters, in het jaor 2023, verklaore bie deze:
Ten 1ste
Prins Daan en Prinses Iris, bedanktj gae höbtj uch good gegaeve,
Mer mèt ós twiëe, gaotj gae ‘t pas ècht belaeve.
Ten 2de
Det de rest van groep 8 zich nurges aan mot stuuere,
En det zie zeker mét die daag der aoch bie zulle huuere.
Ten 3de
Det oos aojers de kómmendje tied vuuer ós klaor zulle sjtaon,
En dees vasteloavendj achter ôs aan zulle gaon.
Ten 4de
Dit jaor sjteit nemes boete spel of veltj boete de boeët,
In Grathem zeen wae ein Foekepottersfemielie en waal laevesgroeët.
Ten 5de
Det der boeëve emes biezunjer gruuets is,
Want wae es prinsepaar des pas neet mis!
Ten 6de
Oos leiders van Jong Nederlandj sjtaon normaal altied vuuer oos Paraat,
Noe drei-je wae de rolle óm en maaktj gae ’t mèt ós hieël erg laat.
Ten 7de
Gelökkig zeen wae mèt de kinjeroptocht neet afhankelijk van ’t waer,
Ouch inne raegen, windj of snieë, traekke wae mèt z’n alle flink van laer.
Ten 8ste
De juffen haove neet te zeure, wae gaon same de vastelaovendj inkleure.
Ten 9de
Hosse, plezeer make, springe en zinge,
Mét dees daag doon wae allein mer leuke dinge.
Ten 10de
Wae roope noe same in koor,
Ôs adjudanten zeen Tijn en Floor.
Ten 11de
Wae gaon fieëste wie de bieëste, want det zit in ós blood.
Onger ‘t motto:
Effe neet träöte of hiphoppe,
wae zeen mèt dees daag neet te stoppe!
