U bent hier

Vastelaovendj 2022

Leef Foekepotters en Foekepotterinnekes,

Inj vuuerig jaor höbbe wae uch laote weite det os activiteiten vuuer de maondj jannewari helaas wore aafgelastj. Inmiddels zeen de maotregele róndj corona get aangepastj en det beetj ouch muuegelikhede om toch vastelaovendj met uch same te vere.


Os programma vueur de kommendje tied zuutj der as volgtj oet:

Zunjig 20 fibberwari
- Kinjer bontje middig: met ’t aaftraeje en oetrope van ós Jeugdprinsenpaar en ein flink fieëst vuuer de jeugd om 15.00 oor zeentj gae welkom bie zaal Geraats.

Zaoterdig 26 fibberwari
- Zekebezeuk: de leje vanne Raod van Ellef bringe de minse die krank zeen ein bezeukske.
- Kinjeroptocht: vuuer de jeugd; eine optocht dae start om 14.00 oor met aansjloetendj óm 15.00 oor ein receptie vuuer ós Jeugdprinsenpaar. Aansloetendj is d’r vuuer de jeugd ein carnavalsprogramma (bonte ring) bie zaal Geraats.

Zunjig 27 fibberwari
- Vastelaovendjsdeenst inne kirk om 13.00 oor
- Aansloetendj koffieconzaer op ’t Kirkplein met klanke van borekapel Doeër Diek en Dun
- Einzelgenger & duo’s optocht vanaaf 15.30 oor
Mochte de maotregele ‘t toelaote den probere wae ouch get te organiseren vuuer de zaoterdig- en zunjigaovendj, det laote wae uch nog weite.

Zomer vastelaovendj
Noteer alvast in uche agenda zaoterdig 21 mei. Wae wille den eine optocht vuuer jonk en aod organisere en nao aafloup ein vastelaovesfieëst. Mieër info hie-uever volgtj taege dae tied.

Let op: tiedes al os activiteiten zeen de den geldjende maotregele van de uueverheid van kracht. Det beteikentj op dit moment bie binnenactiveite zitplaatsen vuuer de volwassene, gebroek van ein mondjkepke bie verplaatsingen en ’t laote zeen van dien QR code. Vuuer ós ganse programma haoje wae raekening mèt de maotregele die wellicht tussetieds nog verangere. Wae passe dao ós programma op aan. Haod daorom ose social media good inne gate zodet gae ’t letste nuuts uuever de vastelaovendj in Grathem kintj volge.

Vuuer noe, blief gezóndj, wae hope uch sjnel te zeen.

C.V. De Foekepotters