U bent hier

2019
Rens I
"De Riekswaeg gepasseerdj, Grathem regeertj."
~
Ich Prins Rens de Ieërste ,
Zoon van de Snor en optocht einzelgänger Fien.
Paetekindj van Prins Jan 8 e oet 1980.
Toch al bienoa 6 maondj woeënendj in Grathem.
En noe, bie de gratie van President Hen, Vorst Bob en de Raod van Elf, 70 e prins van de
Foekepotters.
Proclameer bie deze:
 
1. We gaon minder kalle oppe bühne, mieër fieëste,
want vastelaovendj det is vief daag tampieëste.
 
2. Det ich gruuets bön op ‘t sjoeëne Foekepotters plaetjes verzamelbook,
hieëlemaol oppe foto op pagina 16/17 van ozze vrinjegroep, Adje Paeperkook.
 
3. Det op de Foekepop de sjoeënste muziek, van eige artieste zal klinke,
en det hieël Grathem zich d’r den eine moog kómme drinke.
 
4. Jeugdprins Gijs en Jeugdprinses Daana, 16 jaor geleje haaj ich same met Loes det
zelfdje pekske aan,
noe in 2019, gaon wae same, mét de ganse jeugd, maximaal d’r aan!
 
5. In Panhael höb ich jaore geoefendj vuuer mien groete wins,
hie staon ich den, dé Foekepotters Prins.
 
6. Bie de voetbalclub en ‘t wielrennen hove ze met die daag neet op mich te telle,
want jèh, ouch eine prins dae mót prioriteite sjtelle.
 
7. Kepelmeister Koen, mien sollicitatie met de triangel waas eine groete flop,
Door Diek en Dun, aan uch de ieër, zet de tent mer op de kop!
 
8. Eine sjoeene optocht det is mét die daag neet te misse,
doanao fieëste op de Mertj en stiekem bie Robert binne gaon pisse.
 
9. Dae grellige hiering op as-woonsdig, dao zeen ich noe al taege op,
mer ich belaof uch: Ich vreat ’m ram op!
 
10. Ich bön blie det ‘t van de Foekepotters mocht,
want twiee adjudanten is veur deze man écht neet genogt!
Mien adjudanten zeen: Juul, Wil & Ralf.
 
11. Det ich dit jaor zal regere ónger t motto:
 
De Riekswaeg gepasseerdj, Grathem regeertj.
2019
Gijs II & Daana I
"Wae springe samen oet de bandj in ôs Foekepotters landj"
~
Wae;
Prins Gijs II Prinses Daana I
 
‘t 37e jeugdprinsepaar van de Foekepotters, verklaore bie deze;
 
Ten 1 e
Prins Niels II en Prinses Inge I, bedanktj gae höbtj uch good gegaeve,
Mer mit os twieë, gaotj gae ut pas echt belaeve
 
Ten 2 e
Mèt ozze jeugdroad, groeëte raod en boorekepel springe wae oet de bandj,
En steit nemes aan de kantj
 
Ten 3e
Det ôs pap en mam de kommendje tied veur os klaor zulle staon,
En deze vasteloavendj achter ôs aan zulle gaon
 
Ten 4 e
Met dees daag hubbe wae geine tied vueer  drumme, danse, judo, JongNL en voetballe,
Want in t Foekepotterslandj geit ut noe knalle
 
Ten 5e
Det pap en mam mit dees daag de fret, cavia’s en hondj motte verzurge,
Want wae bekieke die pas weer op woonsdigmörge
 
Ten 6e
Bie JongNL zeen wae altied paraat,
Mer mèt os leiders make wae ’t same laat
 
Ten 7e
Hoeswerk zeen mit dees daag neet ôs zake,
Want wae gaon d’r same ein hieël sjoeën fieëst van make
 
Ten 8e
Wae weite allemaol woeë wae chips en snuik motte kaupe,
Daovueer motte wae nao Harie zien hökske laupe
 
Ten 9e
Beer is nog neet echt ôs dink,
Mer van flaai en pap gaon wae flink
 
Ten 10 e
Herre en Sanne zeen ôs adjudante,
Ze helpe ôs van alle kanjte
 
Ten 11e
Det wae, jeugdprins Gijs II en Jeugdprinses Daana I, vuuerop zulle gaon onger ‘t motto;
 
Wae springe samen oet de bandj, in ôs Foekepotterslandj