U bent hier

2018
Martijn I
"Jònk en aod, gans Grathem fieëstj zich oet de naod!"
~
Proclamatie
Foekepotters en Foekepotterinnekes, leef Grathemer en anger vastelaovesgekke.
 
Bie
 t goodvinje van President Hen,Vorst Bob en de alwieze Raod van Elf, proklameer ich, Prins Martijn de ieerste van de Foekepotters in t jaor 2018, hiebie ‘t volgendje:
 
1. Det ich dit jaor prins zal zeen, det gaaitj mich zieer, want vuuerop moge gaon bie de luuj van ’t sjoeënste durpke in de wieje ómtrek vinj ich ein groeëte ieër.
 
2. Det mien broor, kepelmeister Koen, de jonges en maedjes van Door Diek en Dun mer lueetj traöte vueer drie, want ‘t daak mot d’r vanaaf hie!
 
3. Det bie de luuj die vanwaege haör gezondjheid dees  vastelaovendj naeve de kantj mótte staon, wae tiejes ‘t zeekebezeuk  efkes met ein sjoeën puiske bloome langs zal gaon.
 
4. Det os pap en mam mer alvast get gaon ruste. Gae zitj den waal neet zelf bie kepel of raod, mer as aojers van de prins motj gae met die daag net zoeë hel mèt geneete, en det kosj flink get draod! 
 
5. Mien tennisracket en auch de projecte bie GEA gaon hieël efkes aan de kantj. Want mèt de vastelaovendj hub ich hieël get anges aan de handj.
 
6. Jeugdprins Niels en jeugdprinses Inge, gae gingtj al ein paar kieër flink d’r aan. Mer mèt die daag gaon wae ‘t nog get bontjer make, dao kintj gae van opaan!
 
7.JongNL mót ‘t mèt die daag mer hieël efkes zonger mich sjtèlle. Mer det kumtj good, die zeen toch hie in de zaal. Ueever vastelaovendj vere hoof se die namelik niks te vertèlle.
 
8. Det wae vueer de galazitting op vaöl bekieks hope, en det ich ‘t fantastisch vinj det ich es Prins  dao vueer ‘t ieerst de Foekepotter van ‘t jaor oet moog rope.
 
9. Det vueer t geval mich nao ‘t aete hieël efkes de uig toe zulle valle, de men van de raod zich waal ein dink good in de oeëre motte knuipe. Dit jaor kinne ze neet zoeëmèr zonger mich d'r tussenoet sluipe.
 
10. Ich höb mich det ein paar jaor aafgekeke en ‘nne Prins dae duit toch mer eine hieële boel. Daovueer laot ich mich den auch gaer ongersteune door ein paar flinke adjudante, namelik: Joost en Roel!
11. Dèt ich dees daag vuuerop zal gaon ónger ’t motto:
Jònk en aod, gans Grathem fieëstj zich oet de naod!
 
Gegaeve bie Robert inne zaal, op 27 jannewari 2018
 
2018
Niels II & Inge I
"Met òs femielie veurop, zette wae Grathem 3 daag oppe kop!"
~
Proklamatie Jeugdprins Niels 2 e en Prinses Inge 1 e :
Ich, jeugdprins Niels II, bin in het echte laeve dageliks in Beljs op school te vinje.
Door mien groëte hobbies motorcrossen en freerunnen kin ich waal tege ein stuuëtje.
Verder hub ich bie Jong Nederlandj völ lol en plezeer.
Bie Sjötterie St Severinus kin ich mich mit de trom en stek oetlaeve.
 
Ich jeugdprinses Inge I, bin met de carnaval 12 joar oad en zit in de leste groep van basissjoeël De Klink.
Ich goan dansendj door het laeve. Bie taekwondo staon ich mien vruike en sloan er duchtig op los. In
miene vrieje tied goan ich auch nog gear zwûmme en noa Jong Nederlandj.
 
Wae, es jeugdprinsenpaar van de Foekepotters in het joar 2018, verkloare biej deze:
 
Ten ieërste
Dèt wae normaal es Niels en Inge door het laeve goan,
mer dit joar es jeugdprins en jeugdprinses van de Foekepotters veurop zullen goan.
 
Ten twieëdje
Aan hoeswerk en aan sjoeël waerdj neet gedachtj,
wae hossen en fieëste er op los met volle kracht.
 
Ten derdje
Al zeen wae nog zoeë meug,
wae gaon door toet smûrges vreug.
 
Ten veerdje
Vasteloavenjd in Grathem mot eederein mit make,
wae goan er namelik echt iets sjoeëns van make.
 
Ten viefdje
Met zoeëne sjoeëne Raod en Boorekapel waerdj de carnaval keigaaf,
wae roope met zeen alle oet volle borst: Alaaf
 
Ten zèsdje
Det wae de groeëte prins zulle sjteune
en es het echt neet mier geit, he op os kan leune
 
Ten zevendje
Zitte en hange det doon wae noeëts,
wae goan veur de langste polonaise oeëts
 
Ten achste
Vreug noa bed is er dees daag neet bie,
Want de hiele vasteloavenjd zeen we vrie.
 
Ten negendje
Met de groeëte prins handj in handj,
heerse wae euver het Foekepotterslandj.
 
Ten tieëndje
Veur os adjudanten Tijn en Nienke is niks te dol,
Wae goan same zörge veur hiel veul lol.
 
Ten èlfdje
Det alles doon wae ónger oos motto:
 
Met oos femielie veurop,
zette wae Grathem 3 daag oppe kop.