U bent hier

2017
Prins Wim II
"Lupse of bes se mèt de fiets? Groeët of klein, Vastelaovendj viere wae same mèt ederein!"
~

Ich prins Wim II, bie de gratie van President Hen, Vorst Bob en de Raod van Elf, 68e prins van de Foekepotters in 't jaor 2017, proklameer hie bie 't volgendje:

Ten 1e
Det ich ‘t ein groeëte ieër vinj óm vuuerop te moge gaon, en ich uch belaof mien sjtinkendje best te gaon doon.
(óm d’r same mèt uch eine fantastische vasteloaovendj van te gaon make)

Ten 2e
Det ich de 3e prins oet de familie bön, mer det ich noe mèt sjteek en vaere in eder geval de groeëtste bön.

Ten 3e
Det wae same mèt ‘t jeugdprinsenpaar Evi en Jesse en de ganse jeugdraod vanaaf de sjuueteluueverdracht toet en mèt t ballonne oplaote d'r ein onvergaetelijk jaor van gaon make.

Ten 4e
Vastelaovendj is der veur ederein! De minse die vanwege zeekdje neet mèt kinne doon zulle wae zeker neet vergaete, mer persueunlik ein bezeukske bringe.

Ten 5e
Det de Boore kapel de noeëte weer good gaon rake en daomet alle minse, diek en dun, oppe vloer zulle blaoze.

Ten 6e
Det de buurt, met 2 Prinse inne sjtraot, dit jaor kin raekene op get extra leave bie ‘t Boetegeweune Prinse Plein fieëst.

Ten 7e
Det miene baas van APT Kurvers mèt de vastelaovendj zelf  mer de Congièrge mot gaon oethange

Ten 8e
Det mien Bospopvrinj dit jaor ouch in de polonaise mètdoon en neet allein mer zulle drinke met maate

Ten 9e
Det ich ein oproop doon aan alle vastelaovesgroepe, wagebouwers en einzelgängers om inne optocht op maondig weer fantastisch vuuer de daag te kómme.

Ten 10e
Om d’rvuuer te zörge det ich ouch aswoonsdig nog fit in de kerk kin zitte, höb ich ongersjteuning hel nuuëdig. Daoróm benum ich toet mien adjudanten: Frank van Enckevort en Mark Mevissen.

Ten 11e
Det ich dees vastelaovesdaag vuuerop zal gaon ónger ‘t motto:

Lupse of bes se mèt de fiets? Groeët of klein, Vastelaovendj viere wae same mèt ederein! ALAAF!


 

2017
Jesse I & Evi I
"Mèt carnaval fieëste wae òs oet de naod, same met de ganse jeugdraod!"
~
Wae,
Prins Jesse d’n ieërste,
Rechts back van GKC mèt ’n hel sjot en
bèste minecrafter van de Burgemeister Smeetsstraot,
En ieërder getrouwdj mèt prinses Evi
 
&
 
Prinses Evi d’n ieërste,
Sjtuueker in hert en nere en
Danster van top tot tieën.
Ieërder al getrouwdj met prins Jesse
Verklaore as jeugdprinsepaar van de Foekepotters in ‘t jaor 2016/2017 bie deze:
 
Ten 1e
Prins Tom en prinses Floor bedanktj vuuer t aafgeloupe jaor, t waas super te gek echt waor!
 
Ten 2e
Uuever hoeswerk make hooft juf Kristel noe neet te zeuren, want det geit vuuerluipig neet gebuuere
 
Ten 3e
Det wae lekker laat noa bed goan en neet vreug op zulle stoan, Mer wae geneete met volle teuge, zoeëdet de carnaval uch lang zal heuge
 
Ten 4e
Mèt de boorekapel, de groeëte prins en ziene road vuuerop, zètte wae de zaal oppe kop
 
Ten 5e
Òs leiding van JongNL hooftj noe efkes geine groep te verzinne, Ze motte allein alle carnavalsleedjes kinne
 
Ten 6e
Voetbal skills en hiphop moves zètte wae noe aan de kantj, Want wae goan vuuerop in de polonaise door ’t foekepotterslandj
 
Ten 7e
Mèt friet, pizza en hamburgers oet de pan, Maake wae d’r eine sjoeëne carnaval van!
 
Ten 8e
Op ’t lèst van carnaval doon òs veut pien en is òs stum weg, Maar ja, det is vètte pech
 
Ten 9e
Zitte of hange zuus se òs noeëts, Wae goan veur de beste carnaval oeëts!
 
Ten 10e
Mèt ozze adjudante Cas en Vivian aan de zie, zeen wae al die daag blie!
 
Ten 11e
Det wae d’r same ein groeët fieëst van zulle maken, onger òs motto:
 
Mèt carnaval fieëste wae òs oet de naod,
same met de ganse jeugdraod!