U bent hier

2016
Prins Bart II
"‘t Tiedstip is mich sjieët egaal... Wae gaon fieëste maximaal!"
~
Proclamatie Prins Bart II:
 
Ich, Prins Bart de 2e, bie de gratie van President Hen, Vorst Bob en de Raod van Elf, 67e prins van de Foekepotters in ‘t jaor 2016 en daomèt prins in ‘t 6x11 jubileum jaor van oos Boorekapel “Door Diek en Dun”, proklameer hiebie ’t volgendje:
 
Ten 1ste
Mèt wuuerd neet oet te drukke is wie gruuets ich bön de Foekepotters dit jaor vuuer te moge gaon
en wae d’r saame vuuer  zörge det ouch dit seizoen weer es ónvergaetelik te book zal staon 
 
Ten 2de
Ich zèk taege Pruuke, Adje Paeperkook, Sjtuuekers, Óngehoebeldj en alle angere optochtgekke
De optocht mót op maondig nog langer, sjoeëner en kluuerrieker doeër Grathem trekke.
 
Ten 3de
De maedjes & jonges van “DD&D” ouch in häör jubileum jaor ‘t instrument toet laat laote krake den belaof ich neet de ganse vastelaovendj mèt mien sjuuf te versake.
 
Ten 4de
Wil ich es Prins vastelaovendj mèt alle Grathemers viere
en zal de luuj die doeër de gezondjheid d’r neet bie kinne zeen mèt ein bezeukske veriere.  
 
Ten 5de
Saame mèt Jeugdprins Tom en jeugdprinses Floor
kömtj nog lang gein inj aan deze vastelaovendj en gaon wae misjien zelfs nao aswoonsdig nog door.
 
Ten 6de
Bie Geraats, Oad Grathem en de Nassaurie gaon wae flink tampieëste.
En doeër diek en dun fieëste wie de bieëste.
 
Ten 7de
Os pap zal waal dinke es hae van boeëve sjteit te kieke,
op waem zooi dae Bart noe toch ‘t meiste lieke.
En oos mam, die zal nog get heller mótte renne
Zie wetj allang det ich de rem neet kin
Ich bön d’r dus toch echt eine van Mennen.
 
Ten 8ste
De hermenie, JongNL, handjbalclub, Nuuj Helde en de Dörpsraod zulle ‘t aeve zónger mich motte sjtelle.
Same mèt uch eine onvergaetelike vastelaovendj viere det is waat vuuer mich dees daag zal telle
 
Ten 9de
Mocht ich aeve verdwaaltj raake of sjoe zeen dat ich neet mier toes kom.
Den doon ich gaer ein beroop op de jeugdprinse van Grathem en Kelpe-Oëler en hub daomèt dus eine echte prinselikke TOM TOM
 
Ten 10de
De men die mich mèt dees daag bie mooge staon en toet eine gaoje prins gaon probere te bekwame zeen nemes minder es miene beste vrindj Vincent Rommelaars en aod jubileum prins Wil Daemen.
 
En dit alles onger mien motto:
‘t Tiedstip is mich sjieët egaal... Wae gaon fieëste maximaal!
 
Gegaeve te Grathem, op 23 jannewari 2016 bie Geraats inne zaal.
 
2016
Tom I en Floor I
"Wae giechele altieëd same op ‘t plein, mer mèt de vastelaovendj make wae van Grathem ein groeët festijn."
~
Wae jeugdprins Tom I en jeugdprinses Floor I vanne Foekepotters in ‘t jaor 2016, verklaore bie deze:
 
Ten ieërste
De tennis- en voetbalsjoon laote wae noe effe staon, omdet wae noe ieërst duchtig fieëste gaon.
 
Ten twieëdje
Nao sjoeël gaon? Det haaj juffrouw Kristel gedachtj. Niks daovan want wae loupe polonaises tot middernacht.
 
Ten derdje
In ‘t Kroekelandj dao woeëne wae fijn. Al eine kieër èllef jaor naeve ein.
 
Ten veerdje
Same mèt de 6x11 jaorige kapel zètte wae ‘t dörp oppe kop. Met väöl geträöt gaon wae same met de groeëte prins drie daag vuuerop.
 
Ten viefdje
Mèt eine vader en zöster die mich vueer ginge es prins en prinses, weurtj miene vastelaovendj ouch zeker ein succes.
 
Ten zesdje
Ouch QuasiMono mót drie daag met ós mèt carnavalle. Den höbbe wae de volgendje vakantie gelökkig weer get te bekalle.
 
Ten zevendje
Vuuer de leiders, leidsters en leje van JongNL verangere wae de wèt:
Ein Jong Nederlander is
Ein good vastelaovendjsvierder
bereidj om mèt te loupe in de optocht
met z’n alle make ze dae hieël langk
op dinsdig zeen ze d’r allemaol weer bie
want same fieëste maakt häör hieël blie
Jong Nederland Alaaf
 
Ten achtste
Jong Tumult geit vandaag en mèt de kinjerborebroeloft ouch alles mèt belaeve. Same spele ze met väöl plezeer oppe maot, en gein noeët d’r naeve
 
Ten negendje
Beer, flaai, pap, worst en gestaofdje knien aete we met dees daag neet. We weite zeker det Robert en ouch Judith get lekkers vuuer ós heet
 
Ten tieënde
De Adjudanten zeen van extra groeët formaat. Want dit jaor staon Lieke en Jorn vuuer ós paraat.
 
Ten ellefdje
En det allemaol onger ós motto: 
 
"Wae giechele altieëd same op ‘t plein, mer mèt de vastelaovendj make wae van Grathem ein groeët festijn. Alaaf!"