U bent hier

2014
Ralf I
"Van jonk & soepel tot aod & stug, de vastelaovendj veer ich same, HIE NOE MÈT UCH!"
~

Ich, Prins Ralf I, bie de gratie van President Hen, Vorst Bob en de Raod van Elf, 65e prins van De Foekepotters in Grathem, proklameer hie bie ’t volgendje:

 
Ten 1e:
Es jonge prins hób ich waal al mien eige prinses Miranda, mer nog gein eige hoes,
Daorom is ’t Prinsepalies dit jaor bie Pap en Mam thoes
 
Ten 2e: 
Wae dit jaor nemes in de kaoj laote staon en bie eederein dae neet bie de vastelaovendj kan zeen mit un bleumke langs zulle gaon
 
Ten 3e:
Det de Boorekapel mit dees daag weer sjoeën muziek moog gaon make zodat ich allein op zunjig bie de Foekepop mien gitaar aan hoof te rake
 
Ten 4e: 
Same mit jeugdprins Stan en jeugprinses Anke make wae der eine super vastelaovendj van en laote zeen det gans Grathem onger aanveuring van de jeugd, good fieaste kan!
 
Ten 5e:
Det wae op maondigmiddig weer aan ozze fantastische optocht kinne beginne,
al hub ich natuurlijk waal unne vuuerkeur welke groep dit jaor de foekepot mot gaon winne
 
Ten 6e: 
Bie de Voetbalclub en Jong Nederlandj bön ich al jaore van de partie, Mer vuuer de prinsesteek zet ich noe bal, sjortouw en ouch de fysiotherapie op zie.
 
Ten 7e:
det we op dinsdig neet miear gaon voetballe maar bie de kinjerboorebroeloft de kurke van de kinderchampagne zulle laote knalle
 
Ten 8e:
Det de Naeve al veul prinse höbbe gehadj en de stuuekers zelfs al 5, mer wae van Vastelaovesgroep Adje Paeperkook, höbbe dit jaor met mich en de prins van Panhael, merleefst twieë prinse tegeliek in bedrief.
 
Ten 9e:
Det ich hoop det ederein op As-woonsdig bie ‘t hierinsjelle is, ouch al lus ich eigelijk gaar geine vis
 
Ten 10e:
Det ich es Prins natuurlik neet zónger steun van adjudante kan, ich gaon ze dus benumme: Joost Raemakers en Wil Daemen, waat zektj gae d’r van?
 
Ten 11e:
Ich same mit uch allemaol de Vastelaovendj wil gaon veere onger mien motto:
 
Van jonk & soepel tot aod & stug, de vastelaovendj veer ich same, HIE NOE MIT UCH!
2014
Stan I en Anke I
"Ut zitj os in ut blood, Vastelaovendj Grathem... kei good!"
~
Wae Jeugdprins Stan 1e en Jeugdprinses Anke 1e vanne Foekepotters in ut jaor 2014, verklaore bie deze.
 
Ten 1e
Det de spelers vanne D2 neet motte dinke det ich mèt dees daag inne gool gaon sjtaon, want ich zal  in de polonaise veurop mótte gaon. 
 
Ten 2e
Tennisse en danse dao kan ich mich gans in gaeve, mèr noe zal ich mich mèt de vastelaovendj flink oetlaeve.
 
Ten 3e 
Wae maake der get van mèt de groeëte raod, want vastelaovendj is veur jonk en aod.
 
Ten 4e
Normaal mótte wae paraat sjtaon bie Jong Nederlandj, mèr noe höbbe wae ut allemaol zelf inne handj. Jong Tumultj misjt twieë klarinette inne rie, want mèt dees daag sjpele wae ein ganse anger partie.
 
Ten 6e
Det wae same eine sjoeëne Kinjeroptocht moge belaeve, en wae os oppe Jong Nederlandj disco gans zulle gaeve.
 
Ten 7e
Wae zeen allebei in ut Kroekelandj gebore, en noe van ut Foekepottersriek prins en prinses gewore.
 
Ten 8e
De kinjerboorebroelof is dit jaor veur ut ieërst, auch daovan make wae ein groeët fieëst.
 
Ten 9e
Meister Wim en juffrouw Trudie lieëre is noe efkes neet os dink, wae zegge ALAAF tege de Klink!
 
Ten 10e
Dit alles kinne wae neet allein, oos adjudante zeen Lotte en Marijn.
 
Ten 11e
Det  alles doon wae onger os motto:
 
“Ut zitj os in ut blood, Vastelaovendj Grathem...  kei good!”