U bent hier

2012
Joost I
"Met dees daag zal ut teikenwerk en gitaar spaele op ein liieg pitje sjtaon en zulle we same hossentj door ut Foekepottersriek gaon. ALAAF!"
~

Proklamatie Prins Joost de 1e.

Ich, Prins Joost de 1e, 63e prins van de Foekepotters in het jaor 2012, proklameer hiebie ut volgendje:

Ten 1e
Det auch ich als Prins van de Foekepotters dit jaor veurop zal gaon en der veur zal zorgen dat dit eine onvergeatelijke carnaval zal waere.

Ten 2e
Det we de kommendje daag effe neet aan de recessie haove te dinke, mer det we same met de Boorekepel zulle fieeste en menig glaeskes baer laote klinke.

Ten 3e
Det de jongens en maedjes van Jong Nederlandj net zao lang op maoge blieve als pap en mam en det we same elke daag flink te kieer maoge gaon in de polonaise.

Ten 4e
Det ich same met jeugprins …… en jeugdprinses ……..aan mien ziej uch eine sjoene carnaval zal bringe en det we weer zulle geneete van eine geweldige sjoene jeugd optocht.

Ten 5e
Als eemes ein sjoen prinses haet gevonje, ich mich gaer aanbevaole haoj. Want wat is eine Prins, zonger ein sjoen prinses.

Ten 6e
Det de baas auch noe neet op mich haoftj te raekene, mer als d’r mich toch in actie wil zeen, is d’r van herte oetgenuuedigjt in ut foekepottersriek.

Ten 7e
Det we zulle hosse en fieste en os flink zulle gaeve, aaf en toe drinke we get te vueel. Den kalle we d’r langs, mer zeeker neet NAEVE.

Ten 8e
Det ich vueerluepig biej ut twieedje geine bal goot zal rake, mer det we ze met carnavalsdinsdig met verklaedj voetballe duchtig in zulle make.

Ten 9e
Det we os met de carnaval flinke zulle gaeve en det wae op aswoonsdig onger ut genot van ein veske teruuk kinne kieke op unne geweldige carnaval en bliej kinne zeen det we den nog laeve.

Ten 10e
Det ich toet mien adjudante benum: Bart Raemakers en Frank Custers
Want als mien broor en miene “Adj” euver mich zulle wake. Zal ich kommendje daag zeker neet in de probleme rake.

Ten 11e
Det wae dees daag door zulle bringe onger mien motto:

MET DEES DAAG ZAL UT TEIKENWERK EN GITAAR SPAELE OP EIN LIIEG PITJE STAON EN ZULLE WE SAME HOSSENTJ DOOR UT FOEKEPOTTERSRIEK GAON. ALAAF

Prins Joost De 1e , 04 Februari 2012

2012
Niels I en Sarai
"Deze vastelaovendj is oos gelöksgetal de groeëte 11, wae gaon flink fieëste, de rest kumptj van z11 !!! ALAAF !"
~

PROCLAMATIE

JEUGDPRINS NIELS 1e &

JEUGDPRINSES SARAI 1e

Wae,

Prins Niels d’n ieërste

trompetteur oet ‘t Leudal en ver dao boete

óetsjlover en middeveljer op ’t voetbalveldj

&

Prinses Sarai d’n ieërste

motormoes vanne Baoksemerwaeg

’t leefste maedje van de ganse sjoeël én sjtuueker in hert en nere

verklaore as jeugdprinsepaar van de Foekepotters in ‘t jaor 2012 bie deze:

Ten 1e Wae bedanke ’t jeugdprinsepaar Mike & Myrne van vuuerig jaor,

mer mèt oos twieë, zeetj gae dit jaor nog lang neet klaor

Ten 2e Wae laote de trompet en gitaar noe aeve sjtaon,

om uch in eine groeëte polonaise vuuer te gaon

Ten 3e Uuever hoeswerk make hove meister Wim en Bart noe efkes neet

te kalle, wae höbbe get angers te doon woeë wae ouch in mótte knalle

Ten 4e Det ós leiders van Jóng Nederlandj edere daag verplicht zeen zich bie

ós te melje, en nao de “Jóng Nederlandj Wèt” eine ober mótte belle

Ten 5e Det de borekepel väöl tamtam en kabaal mót make,

det ze in Baoksem, Oeëlder en Panhael gans van sjlaag zulle rake

Ten 6e Gelökkig zeen wae mèt de kinjeroptocht neet afhankelik van ’t waer,

ouch inne raengen, windj of snieë, traekke wae mèt z’n alle flink van laer

Ten 7e Dit jaor sjteit nemes boete spel of vaeltj boete de boeët,

wae zeen éin Foekepottersfemilie en waal laevesgroeët

Ten 8e Det gezóndj aete en water drinke mèt dees daag neet ’t belangriekste is,

wae weite waal baeter: friet, chips en fris

Ten 9e Det alle kinjer oet groep 8 van De Klink as jeugdraod vuuerop sjtaon,

en as gae mèt wiltj doon, gae duchtig draan mótj gaon

Ten 10e Det ós adjudante dit jaor zeen: . . Bram . . én . . Sanne,

die kinne zich deze vastelaovendj dus neet ontsjpanne

Ten 11e Wae zeen gek op de 11:

-de vastelaovendj begós op 11-11-11

-wae twieë zeen noe allebei 1x11

-Sarai woeëntj op hoesnummer 11

wae vorme dit jaor same mèt groep 8 de jeugd-road-van-11 en dèt alles ónger oos motto:

Deze vastelaovendj is oos gelöksgetal de groeëte 11, wae gaon flink fieëste, de rest kumptj van z11 !!! ALAAF !